LAOAG CITY – Sumango iti kaso a panaglabsing iti RA 10591 wenno iligal a panagikot iti paltog kontra iti subject ti search warrant nga inpatungpal dagiti kameng ti PNP Adams.
Ti subject ti operasyon ket agtawen ti 50, awanan ti asawa, maysa a mannalon, ken residente iti Purok 3 iti ili ti Adams.
Segun kenni Police Leiutenant Eddie Valdez, hepe ti PNP Adams, narekobre da ti maysa nga homemade shotgun, kalibre 22 a paltog, bala dagiti nasao a klase ti paltog.
Kuna na a nakumpirkaran da nga agik-ikot ti maseknan kadagiti nasao a klase ti armas babaen iti validation.
Innayon ni Valdez nga adda pay ti pending case ti maseknan a homicide.
Nagtalinaed pay laeng ti maseknan iti kustudyar ti PNP Adams.
