LAOAG CITY – Kinettel ti maysa a mannalon ti bukudna a biag iti ili ti Vintar.
Ti biktima ket lalaki nga agtawen ti 35, awanan asawa ken residente iti nasao nga ili.
Basar iti Vintar Municipal Police Station, nakita ti ama ti biktima a nakabitinen ti tengngedna babaen ti tali iti kusina iti pagtaenganda.
Mainaig iti daytoy, basar iti post mortem examination ti bangkay ti biktima ket awan ti napasamak a foul play.
Naammoan a sumangsango iti depresyon ti biktima ken addan ti immuna a pananggandatna a kettelen ti biagna ngem saan a nagballigi.
Kabayatanna, naitaray ti biktima iti Gov. Roque B. Ablan Sr. Memorial Hospital ditoy siudad ti Laoag ngem naideklrar a dead on arrival babaen ti attending physician.
