LAOAG CITY – Balligi a naarestar ti maysa a mannalon babaen iti naiwayat nga Anti-Illegal Drug Buy-bust Operation iti Barangay Talugtog iti ili ti Solsona.
Binigbig ni P/Maj. Chris Anthony Sorsano, Hepe ti Solsona Municipal Police Station ti suspek a ni Jomar Alejo, agtawen ti 38, naasawaan ken residente ti Barangay Juan iti nasao nga ili.
Inbatadna a natiliw ti suspek kalpasan a naglako ti maysa nga heat-sealed transparent plastic sachet a naglaon ti maipagarup a shabu iti police poseur-buyer.
Malaksid iti daytoy, naala pay manipud iti suspek ti dua nga heat-sealed transparent plastic sachet a maatap a shabu nga agdagsen ti maysa a gramo ken agbalor ti 6,800 a pisos, maysa a ribu a pisos a nausar kas buy-bust money ken dadduma pay a drug paraphernalia.
Kabayatanna, dagiti ebidensia ket naisubmitir iti Provincial Forensic Unit para iti laboratory examination.
