LAOAG CITY – Dagus a pimmusay ti maysa a mannalon kalpasan a nadungpar ti motorisklo iti paset ti Brgy. Daquioag iti ili ti Marcos.
Daytoy ti inpakaammo ni PMaj. Christian Felix, ti hepe iti PNP-Marcos.
Segun ken ni Felix, ti pimmusay a biktima ket agtawen ti 38 a lalaki, maysa a mannalon ken residente iti nasao a barangay .
Kuna na a ti suspek ket agtawen ti 20 ken residente iti ili ti Banna.
Inpakaammo ni Felix a basar iti insiyal nga imbestigasyon, agpaabagatan ni suspek babaen iti inturong na a motorsiklo idinto a lumasat nga agpadaya ti biktima ken naggapo iti laud a direksyon.
Nu pay kasta, inbatad ni Felix nga apaman nga adda iti tengnga ti kalsada ti biktima ket dita a deretso a nadungpar ti suspek.
Naitaray iti ospital ti biktima ngem naideklara a dead on arrival idinto a nagsagaba ti sugat iti nagduduma a paset ti bagi ti suspek.
Rumrumuar nga adda iti impluwensya ti nasanger ti suspek idi napasamak ti insidente ken maipagarup a napaspas ti taray ti inturong na a motorsiklo.
