LAOAG CITY – Natay ti maysa a mannalon kalpasan a nakagat ti uleg iti Brgy. 10 Arua-ay iti ili ti Piddig.
Nabigbig ti biktima a ni Mr. Andres Dela Cruz, 74, naasawaan ken residente iti nasao a barangay.
Segun kenni Brgy. Chairman Rolex Mariano, nasapa a rimuar ti biktima a napan nangruot para iti kanen dagiti taraken na.
Gapu ta saanen a mapasangpet ti pamilya ti biktima, napan sinarak daytoy ti asawa na iti nangruotan na ket ditoy a nakita na a natayen.
Naamoan a walo ti nakita a kagat iti luppo ti biktima a posible nga aramid ti uleg a posible a rason ti nakatayan na.
