LAOAG CITY – Natay ti mannalon kalpasan a natagbat ti tengnged na babaen ti suspek iti Brgy. Bagbag iti ili ti Solsona.
Ti biktima ket agtawen ti 42, idinto ti suspek ket agtawen ti 23, agpada a tubo iti Brgy. Namruangan Cabugao, Ilocos Sur ngem agnanaed da iti nasao a barangay.
Basar iti imbestigasyon ti PNP Solsona, agarup alas-onse diyes idi rabii nga insuko dagiti opisyal ti barangay ti nasao a suspek.
Rumrumwar nga agarup alas-nuebe bente idi rabii a napasamak ti panagtagbat no sadinno nga agid-idda ti suspek iti salas ti pagtaengan ti Reynald Reyes kadua na ti biktima.
Dita a kellaat a nangala ti suspek ti buneng iti likod ti pagtaengan ken tinagbat na iti tenged ti biktima.
Naitaray ti biktima iti Piddig District Hospital ngem naideklara a declared dead on arrival.
Nagtalinaed ti suspek iti kustudyar ti PNP Solsona iti agdama.
Sakbay iti incidente, masansan a pagsasaoan ti biktima ti suspek iti kallabes no sadinno a maipagarup a napunuan met ti suspek a poon ti panangtagbat na ti biktima.
