LAOAG CITY – Nagballigi dagiti kameng ti Philippine National Police (PNP) a nangtiliw ti maysa lalaki a sumangsango ti kaso a rape iti paset iti Barangay 11, San Nicolas, Ilocos Norte.
Nabigbig ti suspek a ni Nestor Acosta, agtawen iti 48, naasawaan, mannalon ken residente iti Barangay San Marcelino iti ili a Dingras.
Natiliw ni Acosta babaen ti bileg ti maysa a warrant of arrest nga inparuk-at ni Presiding Judge Conrado Ragucos iti RTC Branch 16 ditoy ciudad iti Laoag.
Iti agdama, nagtalinaed ti suspek iti kustodyar ti PNP iti ili a San Nicolas.
