LAOAG CITY – Kalpasan ti asidegen nga exhibition fight ni Pinoy boxing great Manny Pacquiao kontra iti Japanese mixed martial artist Chihiro Suzuki iti bulan ti Hulio, nakumpirmaran a maisagsaganan ti negosasion para iti panagsublina iti potential world title fight kontra ken ni Mario Barrios.
Kinuna ti agtawen 45 a boksingero nga ado pay lang ti kasapulan a tarimaanen ti WBC welterweight world title fight iti American boxer a ni Barrios.
Maipalagip nga inyebkas ti dati a Senador ti tarigagayna a makisalip iti Paris Olympics ngem saan daytoy a sakup ti pagannurotan ti International Olympic Committee.
Kabayatanna, nasurok dua a tawenen sipud idi naudi a professional fight ni Pacquiao ngem napaay daytoy kontra ken ni Yordenis Ugas idiay Las Vegas idi Disiembre 2022 ket nakilaban daytoy iti exhibition fight kontra ken ni DK Yoo ti South Korea.
