LAOAG CITY – Admitaren ni Mr. Antonio Mahor, Presidente ti Bonga Pump 2 iti ili ti San Nicolas nga adda ti epektona kadagiti mulada a pagay ti panagtudo ken panaglamiisna.
Segun kenkuana, agpurpor ti murdong ti bunubon ken narigat a dumakkel dagiti raep.
Nupay kasta, inbatadna nga inton sumarsaruno a lawas pay laeng ti posible a panagraep dagiti ad-adu a mannalon.
Kabayatanna, inpakaammo ni Mahor nga awan ti problemada maipapan kadagiti irigasionda gapu ta agan-andar a dua ken masuplayanna a nasayaat dagiti lugar a sakupenna.
