LAOAG CITY – Maluksaw ni Mr. Oscar Casimiro gapu iti pannakaparti ti birbiruken na a baka na iti Brgy. 16 San Marcos iti ili ti San Nicolas.
Iti eksklusibo a pannakiinuman ti Bombo Radyo kenni Casimiro inbatad na a sumagmamanun nga aldaw a mapukpukaw baka na idi nadiskobre da a napartin ti taraken.
Inlawlawag ni Casimiro a nadiskobre da a napartin ti baka na idi makaangot da iti nabangsit nga angot manipud iti nangigalutan na iti baka gapu kadagiti nabati a paset ti baka nangruna iti ulo ken nagdalusan da kadagiti lalaem ti taraken na.
Inbatad na a saan na ninamnama nga iti mismo a nangigalutan na ti pangpartiyan dagiti agtatakaw iti baka.
Innayon ni Casimiro a kagatgatang na laeng ti baka itay kallabes ken ilako na koma met laeng kadagiti partidor iti tiyedaan iti San Nicolas.
Agtultuloy met ti inbestigasyon ti PNP iti nasau a pasamak ngem agpapan kadagitoy awan pay ti maibaga suspek.
