LAOAG CITY – Agtultuloy pay laeng a mabigbirok ti mapukpukaw a Cessna 152 plane a naggapo iti Laoag International Airport ken agturong kuma iti Tuguegarao City.
Ummunan a naireport a napukaw ti contact iti piloto daytoy, 30 a minutos kalpasan ti panag-take off na iti Laoag International Airport iti 12:16 idi kalman, Agosto 1 ken agdisso kuma iti Tuguegarao Airport.
Naamoan a dua a Cessna plane ti agturong kuma iti ciudad ti Tuguegarao ngem maysa laeng ti nakadanon iti 1:11 idi malem kalman.
Naudi a monitor ti Cessna 152 plane iti agarop 32 nautical miles iti Alcala, Cagayan.
Mainaig iti daytoy, saan met pay a makaipaay ti Echo Air International Aviation Academy INC. ti naan-anay a detalye wenno no anya ti mabalin a napasamak iti Cessna plane.
Nakalugan iti Cessna plane ti maysa a piloto ken maysa nga Indian student pilot.
