LAOAG CITY – Isagsaganan ti PNP-Pasuquin ti kaso a maipila kontra iti agnagan iti Jordy Oppic y Agsayang agtawen ti 28 awanan ti asawa, construction worker ken residente iti Brgy # 5 Davila ti nasao nga ili.
Daytoy ket kalpasan naalaan ti paltog ken 4 a plastic sachet bayat ti follow-up operation ti nasao a cuerpo ti pulisya seknan iti pannakabiruken a maysan a bangkay ti agnagan ti Elizabeth Villanueva y Gan, 24 years old, dati a live-in partner ni Oppic ken residente iti Brgy Ngabangab iti nasao nga ili.
Imun-una ngem iti daytoy, nabirukan ti bangkay ni Elizabeth iti kabakiran a paset ti Brgy # 27 Sulbec ti nasao met la nga ili nga agruprupsan ken mapapati a natayen daytoy iti las-od ti 5 ingganat 7 nga aldaw.
Narekubre dagiti SOCO team a nagresponde iti nakapasamakan ti krimen ti maysa a (1) pedaso ti red panty, maysa a (1) pedaso ti sabongsabungan a leggings, maysa (1) nga stripe sweatshirt, maysa a (1) a cell phone, maysa (1) a pakete ti sigarilyo, maysa a pedaso ti (1) 20 peso bill, maysa a (1) five peso coin, maysa a (1) paris ti amarilyo a medyas ken maysa a (1) paris ti tsinelas.
Immun –una ngem iti daytoy, inreport ni Efren Villanueva, ama ni Elizabeth a mapukpukaw ti balasang na kalpasan a nagpakada a mapan na alaen ti motorsiklo na ken ni Oppic.
Agtultuloy met ti imbestigasyon ti PNP-Pasuquin seknan iti panNakatay ni Elizabeth ken kitaen da no adda pannakainaig na ti dati a live-in na.
