LAOAG CITY – No hard feelings.
Daytoy ti marikrikna ita ni Batangas Vice Governor Marc Leviste kalpasan nga inrakurak ni Kris Aquino nga adda ti baro a karelasionna.
Iti pannaki-uman ni Ogie Diaz ken ni Kris iti pagnanaedanna iti Orange County, Los Angeles ket maysa a doktor a taga-Makati ti nobio ni Kris.
Inadmitir ni Kris a Nobiembre 2023 pay laeng ket addan ti problemada ken ni Marc.
Kunana a pinadasda nga urnusen ngem nagtennag met laeng iti panagsina dagitoy.
Sakbay pay a nagselebrar iti maika-53 a panagkasangay ni Kris ket awandan ken ni Marc.
Iti baet ti panag-breakup dagiti dua, naragsaken ni Marc gapu ta saan a naputed ti panagpagayamda.
