LAOAG CITY – Nadismaya ni Acting Mayor Rofel Pambid iti ili ti Marcos, Ilocos Norte gapo iti pannakatiliw dagiti kameng ti Philippine National Police (PNP) a drug personality.
Inbatad na a naiget ti pannakamonitor dagiti drug surenderres no sadinno nga adda pay ti maipatpatungpal a medical mission ken panagdaldalus iti aglawlaw wenno clean up drive iti nasao nga ili.
Kunana a saan na a ninamnama ti pannakatiliw ti maysa a drug personality a taga Barangay Ferdinand iti nasao nga ili itay laeng kallabes.
Segun kenni Pambid, saan a nasayaat daytoy a damag gapo ta immunan a naideklara a drug free municipality ti ili a Marcos ngem adda latta dagiti aglemlemmeng nga addaan ti iligal a droga.
Gapo iti daytoy, kunana a masapol nga ad-adda pay ti naiget a pannakamonitor dagiti drug surenderee no sadinno a makisarita daytoy kadakuada.
