LAOAG CITY – Napagtalinaed ti ili a Marcos ti kina-drug cleared municipality na basar ti rekord ti Philippine National Police (PNP).
Daytoy ti inpasingked ni Police Captain Jonhveil Maramag, ti chief of police ti PNP-Marcos.
Segun kenni Maramag, daytoy ket babaen ti panagtitinnulong dagiti kameng ti nabukel a Barangay Anti-Drug Abuse Council (BADAC) a mangmonitor kadagiti iligal nga aramid.
Inbatad ni Maramag nga awan ti makita da a newly identified drug personality.
Inlawlawag na a dagiti maipagarop a drug personalities ket naminpinsan a nagbalbaliwen ken adda dan iti sabali a lugar.
Maipalagip a ti ili ti Marcos ti kaunaan a lugar ditoy probinsya a naideklara a drug cleared municipality babaen ti Philippine Drug Enforcement Agency (PDEA).
