LAOAG CITY – Naglikudan ni Presidente Ferdinand Marcos Jr. ti alegasion ni Vice President Sara Duterte a ti administrasionna ti adda iti likudan dagiti alegasion tapno dadaelen ti nagan ti bise presidente.
Nasaludsod ti Presidente mainaig iti alegasion ni Duterte no adda pakainaigan ti administrasion kadagiti rakurak ni Rodulfo Gracioso Jr., dati a pulis a maipagarup a nangipatulod ti dadakkel a gatad ti kuarta iti bise presidente ken kadagiti miembro ti pamiliada.
Inpetteng ti Presidente a masapol a mangipakita nga umuna ti ebidensia ti Bise Presidene sakbay daytoy nga agaramid ti aniaman a konklusion mainaig kadagiti alegasion kontra iti siasinnoman nga opisial ti gobierno.
Inlawlawagna pay a saan a ni Duterte ti dakdakamatenna a “buwaon,” a ti kayatna a saoen ket switik. Segun kenkuana, reaksionna daytoy iti rakurak a pannakaamyendar ti Konstitusion tapno makanselar ti eleksion.
