LAOAG CITY – Agsasaruno dagiti recognitions ken achievements a maaw-awat ni Marian Rivera isu a bida isuna kadagiti fans daytoy.
Aw-awaganda ti Kapuso Primetime Queen kas new Queen of All Media. Isuna ti maitudtudo a mangtawid ti trono a binakante ni Kris Aquino.
Iti X ket mabasa iti listaan ti achievements ti misis ni Dingdong Dantes kas resibo nag isuna ti nasken a mangiggem ti titulo a dati nga iggem ni Kris.
Balligi pay ni Marian kadagiti advertising industry no sadinno addaan ti nasurok 50 active brand endorsements ken pammaneknek kadagiti nagwaras a billboard iti kalsada pakairamanan ti print ads.
Ni Marian ket addaan ti kaadduan a followers iti Facebook kadagupan kadagiti local celebrities.
Naammoan nga adda ti 30 million plus active followers-na, 13.1M met iti Instagram idinto nga 8.8M followers iti TikTok.
