LAOAG CITY – Saan a big deal ken ni Mariel Padilla a mabalin pay a makikallaysa ti misterna a ni Sen. Robin Padilla iti uppat a babbai gapu iti panagbalinna a Muslim daytoy.
Inbatadna nga adda dagiti ‘untouchable’ wenno adda dagiti banag a nasken a saan a makibibiang isuna ngem adda ti indasarna a kondision apaman a simrekda iti relasion.
Inlawlawagna a nagbalin a nalawag ti kondisionna ket ti panangipasigurado ni Sen. Robin nga agmaymaysa laeng isuna iti biagna.
Immannugot met daytoy no sadinno a tungtungpalen met ti asawana ti inkarina kenkuana.
