LAOAG CITY – Ibilang dagiti otoridad idiay Las Vegas a tulbek ni Marilou Danley kalpasan ti napasamak a pammaltog iti naangay a Route 91 Harvest Music Festival idiay Mandalay Bay.
Daytoy ti inbatad ni Mrs. Mila Sarmiento Battad, agnanaed idiay Las Vegas, Nevada, tubo ti Ilocos Sur iti ekslisibo a pannakiuman ti Bombo Radyo Laoag.
Kuna na nga awan ti ammo dagiti otoridad a motibo ti suspek a ni Stephen Paddock ken awan ti criminal record na.
Inbatad na nga adu pay ti saludsod dagiti otoridad no adda ti ammo ni Danley iti inaramid ti live-in partner a ni Paddock.
