LAOAG CITY – Nagun-od ti aktres a ni Maris Racal ti kaunaan a Best Actress award daytoy.
Iti social media account-na, inpakita ti aktres ti ladawan kabayatan nga iggem ti Best Lead Performance of 2025 ti Society of Filipino Film Reviewers.
Binigbig daytoy iti panagakemna iti pelikula a “Sunshine” iti 6th Pinoy Rebyu Awards.
Nagyaman isuna kadagiti award giving body no sadinno nga inrakurakna nga ibilangna ti pammadayaw kas espesyal.
Nagsasaruno met ti panagkablaaw manipud kadagiti pagayamna ken kakaduana iti showbiz.
