LAOAG CITY – Kinontra ti gobierno ti India dagiti petision iti kangatuan a korte seknan iti marital rape, no sadinno a natakuatan da a nalabes ken nakaru unayen.
Inpakaammu ti federal home ministry iti Korte Suprema ti India a ti maysa a lalaki ket awan ti basaran a karbenganna a piliten ti asawana a makinaig, no man adda pammilit, adda dagiti umdas a linteg a mangsalaknib kadagiti naasawaan a babbai manipud iti seksual a kinaranggas.
Iti agdama ket imimbestigaran ti korte dagiti marital rape iti nasao a pagilyan sipud ta adda dagiti sayangguseng a mabalbaliwan ti British-era law a mangipaspasimudaag a saan a mabalud ti maseknan a mangaramid iti daytoy.
Mainaig iti daytoy, naamwan a nasaknap ti kinaranggas iti biag ti agassawa idiay India, basar iti surbey ti gobierno ti India, maysa iti kada 25 a babbai ti naipasango iti seksual a kinaranggas manipud kadagiti assawada.
Malaksid iti India, karaman pay ti Pakistan, Afghanistan ken Saudi Arabia kadagiti addaan ti nangatu a kasao ti panagabuso.
