LAOAG CITY – Inlawlawag ni Atty. Gerald Gallardo a ti marital rape ket maysa a krimen a nakumit ti maysa nga asawa a lalaki iti partner na.
Maibilang a marital rape no awan ti pammalubos ti asawa na nga agnaig da.
Inlawlawag pay ni Gallardo nga importante nga ideterminar ti asawa a lalaki ti karirikna ti asawa na a babai.
Innayonna nga masapul nga ikonsiderar dagiti lallaki ti desisyon ti asawa da no maipapan iti sexual intercourse.
Inpakaammu pay ni Gallardo, a no makonbiktaran iti kastoy a krimen ket mabalin a maikkatan isuna ti karbengan kas “head of the family”.
Maipalagip a namunganay daytoy nga isyu kalpasan nga inbatad ni Sen. Robin Padilla nga uray awan pammalubos ti babai no madlaw ti karirikna na a kayat na ti makinaig ket maikonsiderar latta a umanamong a makinaig.
