LAOAG CITY – Kinumpirmaran ni Senador Juan Miguel ‘Migz’ Zubiri nga opisialen nga immakar ni Senador Mark Villar iti Senate Majority bloc, ita nga aldaw, Huebes, Oktubre 8.
Gapu iti nagbalin nga addang ni Villar, immaboten iti 14 ti pakabuklan a bilang dagiti miembro ti Majority bloc idinto nga agtalinaed iti 10 a miembro ti Minority iti Senado.
Kageddan ti panagakarna, nadutokan ni Villar kas baro a chairman ti Senate Committee on Public Works and Highways tapno idauloan dagiti gakat ken panagtataripnong mainaig iti imprastraktura.
Mainaig iti daytoy, manamnama a mangipaay ti kanayonan a pigsa kadagiti lehislatibo nga agenda ti Majority bloc ti opisial a panag-realign ti puesto ni Villar iti Senado.
