LAOAG CITY – Naglikudan ni Mr. Jun Miguel, ti Market Supervisor ti merkado publiko ditoy ciudad ti Laoag nga adda ti maysa nga empleado a napan iti tiendaan a saan na nga inuray ti resulta ti swab test na.
Daytoy ket kalpasan nga adda ti report nga adda ti maysa nga empleado ti merkado a nagsursursur iti laksid a dimmalan iti swab test wenno saan a nag-isolate.
Segun kenni Miguel, saan nga empleado ti merkado no diket maysa a market vendor ti dimmalan iti swab test ken napan naglako iti kabigatan na.
Kunana a ti rason no apay a dimmalan iti swab test ti maseknan ket karaman isuna kadagiti mapan aglako iti asideg ti kapitolyo probinsyal ngem saan na nga inuray ti resulta no no sadinno ket positibo daytoy iti covid-19.
Naamoan a ti maseknan ket datin a nagpositibo iti naminsan a tawen ken daytoy ti maikadwa a gundaway a naaddaan ti virus.
Kabayatanna, kuna ni Miguel a naipaiman iti PNP ti pannakamonitor kadagiti mapmapan aglaklako iti bypass road gapo ta saan a maipalubos daytoy kasta pay dagiti agpwesto iti babaen ti gilbert bridge.
Inbatad na a nupay napalubusan nga aglako dagitoy ket saan a mabalin a mapan da agpwesto kadagiti nadakamat a lugar no diket iti sangwanan laeng ti balay da.
Mainaig iti daytoy, kuna ni Miguel a karaman ti Central Terminal a nalockdown gapo ta adda dagiti aglaklako iti daytoy a mapmapan met laeng iti merkado publiko no sadinno ket karaman da iti contact tracing.
