LAOAG CITY – Napadawayan dagiti Laoagueño a nakipaset iti Marunggay Festival ditoy siudad ti Laoag kalpasan nga inpakaammo dagiti marunggay products innovation dagitoy.
Naangay ti awarding para kadagiti 10 nga indibidual a nakipagpaset iti nasao nga aktibadad no sadinno nai-bida dagiti bukodda a recipe a marunggay base products.
Mainaig iti daytoy, nakaawat dagiti tunggal indibidual plaque of appreciation ken P10,000.00.
Nakipagpaset iti nasao nga aktibdad da Mayor Micheal Marcos Keon, City Agriculture Head Shiela Opelac, City Tourism Head Angel Lao ken City Administrator Head Franklin Calumag.
Malaksid iti daytoy, dagiti marrungay products innovation products a kukua dagiti awardees ket marunggay cookies, marunggay fresh lumpia, marunggay chicharon, marunggay ice cream, marunggay pandesal, marunggay chips, marunggay longganisa, marunggay doughnut, marunggay sushi ken marunggay cheese tart.
Kabayatanna, kalikagom ti lokal a gobierno ditoy siudad a maipakita dagiti marunggay base products iti dakkel a mall ditoy siudad.
