LAOAG CITY – Makapalukmeg ken makaitunda ti depresyon ti masansan a panagbuya ti telebision wenno e-gadget dagiti ubbing.
Segun ken ni Dr. Emilly Edlynn, dakkel ti benepisio ti itunda ti panangkissay ti screen time kadagiti annak.
Daytoy ket maikkan ti at-atiddog a panawen tapno makaay-ayam kadagiti pagayam ken pamiliada.
Babaen iti daytoy, ad-adda a ma-enjoy dagitoy iti panagbasa wenno panagehersisio.
Basar iti panagadal, dagiti ubbing nga atiddog ti screen time wenno nakababad iti digital devices ket addaan ti epekto iti turog, nababbaba ti grado iti pagadalan ken agbalin a nalukmeg.
Mainaig iti daytoy, dagiti teenagers ket nakatutok met iti screen ti sumurok pito nga oras ken dakdakkel ti tsanna nga agbalin a nalukmeg.
Basar iti American Academy of Pediatrics, saan a nasken a lumabes iti maysa nga oras ti panagtutok iti screen dagiti ubbing nga agtawen ti dua agingga lima.
