LAOAG CITY – Masapol nga adda ti ipila a petisyon ti asosasyon dagiti tricycle driver no kalikagom da a maipangato ti plete iti ciudad ti Batac.
Daytoy ti inbatad ni Konsehal Bismark Angelo Quidang, ti chairman ti Committee on Transportation iti nasao a ciudad.
Kuna na a ti ipila a petisyon dagiti traysikelan ti pagibasaran da no rumbeng wenno saan a maipangato ti plete iti ciudad ti Batac.
Iti agdama a minimum a plete dagiti regular a pasahero ket 15 a pisos idinto a dagiti estudyante ket 12 a pisos.
Immun-una iti daytoy, kalikagom dagiti traysikelan iti nasao a ciudad a maipangato ti plete gapu ta maysa laeng ti mabalin da nga ilugan gapu iti agdama a paspasaren a pandemya a gubuay ti covid-19 virus.
