LAOAG CITY – Inlawlawag ni Atty. Juanito Antonio, maysa a Private Lawyer a masapol nga insigidan a rugian ti Senado ti pannakatingiting ti impeachment trial ni Vice President Sara Duterte.
Inbatadna a gapu ta ti Senado ti maibilang nga impeachment court ket rumbeng laeng a tratarenda nga insigida daytoy aniaman ti agdama a mapaspasamak iti pagilian.
Inpettengna a saan nga umannugot ti nagbalin a rakurak ni Senate President Francis “Chiz” Escudero a dakkel ti posibilidad nga inton sumreken ti 20th Congress wenno kalpasan ti State of the Nation Address ni Presidente Ferdinand Marcos Jr. inton Hulio 21 a rugian ti Senado iti panangtingiting ti impeachment kontra ken ni Vice President Sara.
Immuna iti daytoy, kalikagum ti Petition for Certiorari and Prohibition a kwestionaren ti nagbalin a proseso ti impeachment a nangrugi iti reklamo nga inpila iti Kamara.
