LAOAG CITY – Inyarig ni Mr. Greg Mendez, maysa a tricycle driver ditoy siudad ti Laoag ti sapol na iti tunggal aldaw iti maysa a lastiko.
Kuna na a daytoy ket gapu iti bassit a mapasadaan gubuay ti pannakasurot ti 9 ken 11 a pisos a minimum a plete.
Segun ken ni Mendez, adda dagiti gundaway a saanen a makaiyawid ti 100 a pisos gapu ta mapan amin iti gasolina ken ti iyaponte na iti operator ti tricycle nga usar na iti panagpasada.
Inbatad na nga iti pilaan dagiti tricycle ket saan pay a masapol nga aguray ti pasahero nu bilang maymaysa ti nairana nga ilugan rason nga arig nga awan ti mapastrek na manipod iti nabayag a panagur-uray iti pila.
Immunan nga inpakaammo ni Mendez a ti sapol da iti inaldaw ket agdepende iti bilang dagiti mailugan iti agmalem.
Innayun na a manipod iti 200 a pisos a dati nga iyaponte na ket kiniddaw na iti operator ti tricycle a mapagbalin a 150 a pisos gapu ta saan a kabaelan ti mapasadaan na iti agmalem.
