LAOAG CITY – Inpetteng ni Sangguniang Panlungsod Member Edison Bonoan, chairman ti committee on good governance ditoy siudad ti Laoag a masapul a dumalan iti public bidding uray a bassit a banag ti mailako a kukua ti lokal a gobyerno ditoy siudad.
Reaksiyon na daytoy mainaig ti panangimbestigar ti konseho ti pannakailako dagiti lanlandok manipud iti City Engineering Office itay kallabes.
Naiget pay a kinontra ni Bonoan ti inpalawang ni Engr. Manuel Aurelio a no maidalan dagiti landok iti Commission on Audit ket awanen iti biang pay ti lokal a gobyerno.
Kuna ni Bonoan nga awan ti siasinno a mangilako wenno mangibelleng iti sanikua ti lokal a gobyerno ditoy siudad.
Kanunungan pay ti konsehal ti inpalawag ni Atty. Roxane Castro, city administrator, nga uray maysa a paperclip ti mapukaw wenno matakaw ti maysa nga empleyado ket pakaikasuan na daytoy.
