LAOAG CITY – Inpakammo ni Presidential spokesperson Harry Roque a sakbay a malukatan ti dakkel a paset ti ekonomiya, ken pannakaipatungpal ti Modified General Community Quarantine iti intero a pagilian, ket kasapulan a maiyuna pay laeng ti panagbakuna.
Kuna na a daytoy ti ipakpakaasi ni Presidente Rodrigo Duterte a mabakunaan dagiti Pilipino.
Segun kenni Roque, ita a saan pay a nabakunaan amin a Pilipino ket kasapulan a protektaran ti bagbagi babaen iti panagusar ti mask, panagbuggo, ken panangliklik a maakaran ti virus.
Innayon na a gapu iti agtultuloy a panagngato ti kaso ti COVID-19 ditoy pagilian ket agtultuloy met a ngumatngato ti bilang dagiti agbisin ken mapukawan ti trabaho.
Iti sabali abangir, kinumpirmaran ni Presidential spokesperson Harry Roque a nagrehistron iti Quezon City database para iti panagpabakuna na.
Kuna na nga isuna ket addaan ti comorbidities rason a sumaruno mabakunaan daytoy kalpasan kadagiti senior citizen.
Segun kenni Roque, inlaban na iti IATF nga umuna a mabakunaan dagiti addaan iti comorbidities.
Kabayatanna, inbatad ni Roque a kayat na a mabakunaan iti Chinese vaccine ngem no anyaman iti maited kenkuana ket sidadaan a mangawat daytoy.
Kabayatanna, inpakaammo pay ni Roque a manamnama a sumangpet dagiti 60 a ribo a bakuna a naorder iti maikadua wenno maikatlo a quarter ita a tawen.
Kuna na nga uray saanen nga umawat ti AstraZeneca iti nayun nga order ket mabalin a suumrek iti tripartite agreement mainiag iti Novavax nga inadamid ti India ken dadduma pay a bakuna.
Innayon ni Roque a ti panagsangpet dagiti ado a bakuna para iti Pilipinas ket iti maikadua ken maikatlo a quarter ita a tawen.
Immunan a naiyuswat ti panagbakuna iti nasao nga ospital no sadinno nga immuna a nabakunaan iti AstraZeneca vaccine ni Dr. Eliezer Asuncion, Dr. Marlon Romero, Imelda Malto, administrative officer ken dadduma pay.
Kinablaawan pay ni Testing czar Vince Dizon ti probinsya a manamnama nga agsublin iti normal a sitwasyon ken uray ngumatngato ti kaso ti COVID-19 ket addaanen ti pagilian iti bakuna.
Ginutigot met ni Roque ti publiko a saan nga agbuteng nga agpabakuna gapu ta inaprobaran ti Food and Drug Administration dagitoy.
Innayon ni Roque nga uray saan a 100 a porsiento ti efficacy dagiti bakuna ket masigurado met nga epektibo dagitoy.
