LAOAG CITY – Inpatalged ni Mayor Rene Gaspar iti ili ti Carasi nga awan dagiti nadadael kadagiti nagduduma a pasdek iti ili da kalpasan ti nagsasaruno a gingined idi rabii.
Kuna na a saan a maikkat ti panagbuteng dagiti kailian na iti nasao nga insidente.
Inbunannag ni Gaspar nga adda pay iti panagdayyeg na itay agarup alas singko itay bigat.
Gapu iti daytoy, binakadan ti Mayor dagiti kailian na a kayun a nakasagana ken agridam.
Iti mainaig a damag, inlawlawag ni Mr. Marcel Tabije iti provincial resciliency office nga agtultuloy dagiti maiwaywayat nga earthquake drill tapno makapagsagana dagiti residente.
Kuna na a saan a mapakpakadaan ti gingined ken mapasamak iti sadinno man a lugar.
Innayon ni Tabije a damo a mapasaran iti Ilocos Norte ti nagsasaruno a panagdayyeg a nangitunda ti panagdanag dagiti residente.
