LAOAG CITY – Nasugsugatan ti maysa nga ina a masikog gapu ta aksidente a nadungpar ti nakamotorsiklo kalpasan a nakababa da iti pampasahero a jeep a nagluganan da manipud iti Bgry 54-A ditoy siudad ti Laoag.
Segun ti biktima a ni Ronalyn Bayclon, agtawen ti 46, residente iti nasao a barangay, nagturong da ditoy sentro ti siudad ti Laoag kadua na ti anak na nga agtawen ti 4 ket idi nagbaba da iti jeep a nagluganan da ket ditoy a nadungpar agingga a naulod pay babaen ti nakamotorsiklo nga agnagan ti Ronald Lam a residente iti nasao a barangay.
Nagsagaba ti ina ti sugat iti saka na ken limteg ti rupa na.
Agtultuloy ti imbestigasyon ti PNP Laoag iti daytoy a desgrasya.
