LAOAG CITY – Naiyuswat ti mass swab testing kadagiti amin a market vendors ken dagiti market employees iti ili ti Bacarra.
Daytoy ket kalpasan ti kellaat a panagngato ti kaso ti covid-19 iti nadakamat nga ili.
Segun kenni ABC President George Padre, kalpasan ti panagtataripnong da ket napagnunumoan a karaman iti mass testing ket dagiti sumagmamano a residente iti Barangay 6 ken Barangay Pipias.
Innbalakad na a no malpasen a maswab test dagiti maseknan ket nasken a saan da a rumuar gapo ta adda dagiti dadduma nga indibidual nga agriri gapo ta kayat da ti rumwar.
Pinalagipan na manen dagiti kailyan na a sumurot iti protocol tapno malapdan ti ad-adda a panagwaras ti covid-19.
