LAOAG CITY – Saan nga operational ti Material Recovery Facility iti ili ti Marcos a masarakan iti Brgy. Imelda ti nasao nga ili.
Segun kenni Governor Cecilia Araneta Marcos, naipasa a nausar daytoy ngem saan a nagbalin dagiti tugawa naaramid manipod kadagiti recycled plastic.
Inlawlawag na a ti tunggal tugaw a naaramid manipod kadagiti recycled materials ket agdagsen ti 20 pounds isut gapuna a saan a mabalin dagitoy.
Kunana a dagiti nasao a tugaw ket maibunong koma kadagiti nagduduma a pagadalan.
Gapu iti daytoy, ad-adalen ti gobierno probinsial no ania ti napintas a pangusaran da iti nasao a pasilidad.
Inpakaammo ti gobernador a ti nasao a proyekto ket joint project ti probinsia kenni Sen. Cynthia Villar.
Maipalagip a lima a tawenen ti napalabas sipod idi narugyan ti nasao a proyekto.
