LAOAG CITY – Mapatawan ti nadagdagsen a pannusa dagiti matiliw nga aggaagaw ti wallet wenno bag idiay Hawaii.
Daytoy ti report ni Bombo International Correspondent Manny Pascua idiay Hawaii kalpasan a nailungalong iti senado ti gakat a pannakaipataw ti nadagsen a pannusa kadagiti snatcher.
Kuna na a mapagbalin a second degree theft ken lima a tawen a pannakaibalud ti maipataw a pannusa kadagiti makunbiktaran.
Segun kenni Pascua, uray awan ti nagyan ti narabsut a wallet,bag wenno alahas ket mapatawan ti nadagsen a pannusa.
Kunana a sinuportaran daytoy ni acting Honolulu prosecutor Dwight Nadamutcho.
Maipalagip a narabsotan ti maysa a lakay a tubo iti ili ti Badoc bayat ti kaadda na iti paset ti China town itay kallabes ken insigida met a napilaan ti kaso.
