LAOAG CITY – Naitantan iti 20 a minuto ti panangrugi ti maudi a debate iti nagbaetan ti British Prime Minister Rishi Sunak ken ti lider ti oposision a Labour a ni Keir Starmer sakbay ti 2024 United Kingdom general election inton sumaruno a lawas, Hulio 4.
Daytoy ket babaen dagiti napigsa nga arimbangaw dagita ag-protprotesta a mangipukpukkaw kadagiti balikas a “Free, Free Palestine”.
Binigbig ti debate chair a ni Mishal Husain a daytoy nga aktribidad ket nainkalintegan a paset ti demokrasia idiay United Kingdom ken kas panangipakat iti freedom of speech dagiti umili.
Malaksid kadagiti ipukpukaw da ket adda pay ti bandera ti Palestine nga iwag-wagayway da ken nakaiggemda ti bandera a nakaisuratan ti “Condemn apartheid, condemn terrorism.”
Nagbalin a sentro ti debate da Sunak ken Stramer ti isyu ti migration ken tax policies.
Kabayatanna, inkari ti dua a lider a saanda nga ipangato ti personal taxes ngem karaman iti conservative manifesto ti pannka-ikkat ti national insurance.
