LAOAG CITY – Naiget ti panangmonmonitor ti Hawaii Volcano Observatory ti maysa kadagiti aktibo a bulkan idiay Big Island, Hawaii.
Daytoy ket kalpasan iti ngumatngato nga acitvity level na.
Naamoan a ti Mauna Loa volcano ket nagbalin nga aktibo ti aktibidad na kadagitoy a panawen no ikompara ti aktibidad na idi 2014 agingga iti 2017.
Nupay kasta, inbatad ti HBO Scientist a saan da pay a maibaga no ania ti mabalin a pagbanagan ti nasao a bulkan.
Segun kadagiti dadduma pay nga HBO scientists, ngimmato ti bilang dagiti napasamak a panagdayyeg ken ground deformation iti nasao a lugar.
Ti Mauna Loa ti maikadwa a katayagan a bulkan idiay Big Island, Hawaii.
