LAOAG CITY – Awan ti plano ti banda a Mayonnaise nga agsardeng iti panagkanta.
Segun iti frontman-da a ni Monty Macalino nga uray a makarikriknada ti pannakabannog ket awan ti sarday iti panangparagsakda kadagiti fans-da.
Inbatadna a nagbalin a natibker ti panagkakaduada ti grupo iti uneg ti dua a dekada.
Agtultuloy met ti panangaramidda kadagiti baro a kanta para kadagiti fans-da.
Ti banda ket isu ti nagpasikat kadagiti kanta kas ti “Jopay,” “Tayo Na Lang Dalawa,” “Bakit Part2” ken dadduma pay.
