LAOAG CITY – Inpakaammo ni Mayor James Bryan Alcid nga awan ti problema kenkuana a saan nga isuna ti immuna a napakaammoan iti panagkampeon ti School Division Office ditoy siudad ti Laoag iti Region 1 Athletic Association.
Segun kenkuana, ti napateg ket nagtitinnulong ken nagkaykaysa ti amin tapno magun-od ti balligi.
Inbatadna a kas Local Chief Executive ditoy siudad ti Laoag ket ar-aramidenna laeng ti trabahona iti panangipaay ti suporta kadagiti agkasapulan.
Kunana a nasaysayaat a kitaen no amin ket agtitinnulong para iti pagsayaatan ti amin.
Innayonna nga adda ti panangrespetarna iti posision ken desision iti tunggal maysa isut gapuna a saanen pay a nangipaay ti naan-anay a komentona maipanggep iti daytoy a banag.
