LAOAG CITY – Personal a binisita ni Mayor James Bryan Alcid ti sitwasion ti Metro Gabu ken Barangay Caaoacan ditoy ciudad ti Laoag.
Segun kenni Alcid, babaen iti daytoy ket makita na ti inbati ti Bagyo Uwan.
Mainaig iti daytoy, inpakaamo ti Mayor nga awan ti nakana a perdision ti nasao a bagyo kadagiti coastal areas ken iti intero a ciudad.
Nagyaman met isuna kadagiti amin a timmulong iti panagsagana ken kasta metten ti kooperasion ti tunggal maysa para iti kinatalged iti amin.
Kabayatanna, inpanamnama ti mayor ti agtultuloy nga alisto a panagresponde ken panangipaay ti tulong kadagiti naapektaran iti bagyo Uwan.
