LAOAG CITY – Kalikagom ni Mayor James Bryan Alcid nga adda ti maaramid nga schedule iti panagdalus iti Laoag City Public and Commercial Complex pakairamanan iti Underpass iti Gilbert Bridge ditoy ciudad ti Laoag.
Segun kenkuana, babaen iti nasao nga addang ket mapagtalinaed ti kinadalos iti tiendaan ken iti underpass iti Gilbert bridge.
Kuna na a no mabalin ket kada lawas a madalusan dagiti nadakamat a lugar.
Mainaig iti daytoy, gagem pay ti mayor a maikkan ti solar lights iti uneg iti underpass ti Gilbert bridge tapno nalawlawag a pagdalyasatan dagiti behikulo ken dagiti tao a magmagna iti lugar.
Kunana nga iti agdama ket manarimaan iti panagsapolna kadagiti mabalin nga agidonar iti solar lights tapno mapasilawan daytoyen.
Kabayatanna, ibilang ti mayor a maysa nga “icon” ti underpass iti Gilbert bridge isut gapuna a masapol a masustinir iti kinapintas ti view-na.
