LAOAG CITY – Nagturong ni Mayor James Bryan Alcid iti Laoag City Public Market and Commercial Complex tapno makita a mismo iti operasion ken sitwasion iti nasao a merkado publiko.
Kalikagum ti mayor nga ad-adda pay a mapasayaat ti pasilidad isut gapu na a napan na manen binisita tapno makita no ania dagiti nasken a matratar ken matutukan.
Mainaig iti daytoy, sinaggaysa met dagiti agpapaay iti merkado publiko dagiti nasken a maiplastar ken matarimaan.
Kabayatanna, inpasingked ti mayor nga aramiden amin ti administrasion na tapno ad-adda pay a dumur-as ti merkado publiko ditoy ciudad ti Laoag.
