LAOAG CITY – Nagpa-survey ni Mayor James Bryan Alcid ti third party mainaig iti pannakaiyimplementar ti adu a traffic lights kadagiti kangrunaan a kalsada ditoy siudad ti Laoag.
Daytoy ket kalpasan ti panagirot ti taray ti trapiko kadagiti sumagmamano a kalsada ditoy siudad.
Inbatad ni Mayor Alcid a nakasaritana payen ti City Planning no sadinno adda ti nagbalin a proposal-da maipanggep iti panagdalyasat wenno panagpuligos dagiti lugan iti sentro ditoy siudad.
Malaksid iti daytoy, adda pay ti immun-unan a pannakiumanna iti Committee on Transportation tapno amendaran ti traffic code.
Kunana nga iti naudi a pannakaamendar daytoy ket idi pay tawen 2022 wenno idi kangitingitan ti COVID-19 pandemic.
Kabayatanna, inpakaammo ni Mayor Alcid a naisubli metten ti dati nga schedule wenno iti panag-overtime dagiti traffic enforcer tapno makita ti situasion iti trapiko ditoy siudad ti Laoag.
