LAOAG CITY – Inpakaammo ni Mayor Aldrin Garvida a nangiparuk-at ti Executive Order mainaig iti panagin-inot ti enerhia dagiti empleado ti munisipio.
Segun kenkuana, daytoy ket maysa a wagas tapno maalay-ayan ti mapaspasaran a krisis iti pagilian.
Inbatadna nga adda payen ti pannakisarsaritana kadagiti kapitan kadagiti amin a barangay iti ili ti Nueva Era tapno mausar ti lugan dagiti barangay no adda ti papanan dagiti residente.
Inlawlawagna nga adda ti supplemental budget iti lokal a gobierno iti ili ti Nueva Era a mangsupusop kadagiti kasapulan dagiti kailianda.
Kabayatanna, inpasingked ni Mayor Garvida a naiget a maar-arisit dagiti agbalbalin a benepisiario kadagiti nagduduma a programa nga ipapaay ti lokal a gobierno.
