LAOAG CITY – Sinungbatan ni Outgoing Mayor Alexander Calucag iti Solsona, Ilocos Norte dagiti alegasyon ni Incoming mayor Joseph de Lara ti nasao nga ili.
Daytoy ket mainaig ti maipagarop a kaadda dagiti irregularidad nga inar-aramid ti administrasyon ni Calucag.
Inpetteng ni Calucag nga itinto Korten ti mangibaga no adda dagiti anomalya iti babaen ti liderato na.
Innayon na a nadalos ti konsensya na ken saan a nagtakaw iti kaban ti gobierno.
Mayor Alexander Calucag
Karaman a maiyak-akusar ken ni Calucag ket ti maipagarop a dakkelen ti nakubrar na manipod iti maipatpatakder a Civic Center ken awan pay ti building permit na.
Kuna ni Calucag nga awan ti kinapudno na daytoy gapu ta saan nga isuna ti contractor.
Mayor Alexander Calucag
Kabayatanna, inlalawag pay ni Calucag ti maibagbaga nga overpriced dagiti dispersal da a kalding ken baka.
Inkalintegan na a ti presyo dagiti nasao a taraken ket agdepende iti kadakkel ken klase da.
