LAOAG CITY – Manamnama a mangipila ti Presidential Anti-Organized Crime Commission (PAOCC) iti criminal case kontra ken ni Bamban, Tarlac Mayor Alice Guo.
Daytoy ket kalpasan a nakasarak ti ahensia iti ebidensia ti pannakairaman ti Mayor iti illegal operations ti Philippine Offshore Gaming Operators (POGO) iti hurisdiksyonna.
Mainaig iti daytoy, segun iti Philippine Offshore Gaming Operators (POGO) agmimiting ti inter-agency body inton sumaruno a lawas tapno desisionan dagiti kaso a naipila kontra iti Mayor a ti nasionalidad ken personalidadna ket agdama a maimbestigaran gapu kadagiti loopholes a masarakan kadagiti dokumentona.
Gapu iti daytoy, manamnama a maipila ti kaso iti Department of Justice inton Hunio 21 iti daytoy a tawen.
Segun iti opisyal ti Presidential Anti-Organized Crime Commission, naruay dagiti dokumento nga addaan iti nagan ken pirma ni Mayor Guo ti nasarakan bayat ti panagimbestigarda.
Ti Presidential Anti-Organized Crime Commission ket addaan ti karbengan a mangsukisok iti Philippine Offshore Gaming Operators compound a naibangon iti sanikua ni Guo.
Kabayatanna, maipalagip nga imun-una a rimuar iti naiwayt a raid ti Presidential Anti-Organized Crime Commission ken ti imbestigasyon ti Senado a nga adda pakainaigan ni Mayor Guo iti Chinese firms seknan iti POGO operations idiay Bamban, Tarlac nga agtultuloy nga agop-operar uray awan ti permiso ti gobierno.
