LAOAG CITY – Mangnamnama ni Mayor Rafael Benemerito iti ili ti Pagudpud nga alisto a malpas ti maikadua a viaduct gapo iti pannakasukat ti maysa kadagiti contractor.
Segun kenni Benemerito, nabayag nga agtrabaho ti dati a contractor a saan na metten nga ibuksilan ti kinatao daytoy, ngem ti simmukat ket dandani na makamaten ti trabaho ti maysa a contractor.
Kunana a 30 a porsyento ti nalpasen ti immuna-una ken 30 a porsyento met ti naudi ngem mangnamnama a dagitoy ket makapagsabat da.
Inbatad na no malpasen ti viaduct ket napinpintasen ti taray ti trapiko nangruna ket kanayon nga adda ti landslide iti paset iti Brgy. Pancian.
Naamoan nga adda ti sabali pay a proyekto ti maysa kadagiti dati a contractor ti nasao a proyekto nga isu ti maysa kadagiti pakakumikoman na.
Maipalagip a napanunutan ti 1st District Congressman a mangiyalokar ti pondo para ti pannaka establisar ti nasao a proyekto ket gapu ti kanayon a panag andslide ti bantay a paset ti Brgy. Pancian.
