LAOAG CITY – Kalikagom ni Mayor Edmar Vincent Bonoan iti ili ti San Nicolas a masuspenso ti pannakaipawil a magna dagiti tricycle iti Manila North Road partikular iti sango ti municipyo.
Segun kenkuana, nalawa dagiti dalan ken marigatan dagiti lugan no agtudo gapu ta alisto a malayos iti likod ti mini cultural center.
Kinunana a daytoy ti temporaryo nga aramidenda apaman nga irekomendarna ti pannakaamendar ti traffic and order code.
Maipalagip nga idi 2007 ket naputar ti ordinansa a maipawil ti pannagna dagiti tricycle iti sango ti municipyo mangrugi ti oras ti alas-siete ti bigat agingga ti alas-singko ti malem.
