LAOAG CITY – Nagtibnok ti narikna ni Mayor Alex Calucag ti desisyon ti Office of the Ombudsman mainaig ti inpila da a reklamo nga dishonesty kadagiti sumagmamano nga empleyado ti munisipyo iti ili a Solsona.
Kadua ni Calucag nagreklamo ket da Sangguniang Bayan Member Mark Dennis del Castillo, Jose Martin kenni Lorenzo Pascua.
Basar iti desisyon ket naduktalan a guilty da Mr. Francis Gerald Ganotisi, dati a municipal administrator Berta de Lara, Municipal Health Officer Dr. Ruth de Lara, kenni Accountant Divina Domingo gapu ti panangbaybay-a iti trabaho.
Kuna ni Calucag a naragsak iti desisyon ngem maladingitan gapu ta maapektaran ti trabaho iti munisipyo.
Naamuan nga innem a bulan ti suspension iti trabaho ken awan ti bayad da.
Makaammo ti piskalya ti mangipila ti kaso kontra kadagiti sumagmamano nga empleyado ti munispyo ti ili a Solsona kalpasan a guilty ti desisyon ti opisina ti Ombudsman mainaig ti naipila a reklamo nga dishonesty.
Daytoy ti inbatad ni Mayor Alex Calucag itui nasao nga ili.
Kuna na nga nagsurat da pay laeng iti Ombudsman tapno makumpirkaran no husto ti pannakaawat da a 10 counts ti kaso dagiti maseknan.
Nupay kasta, iyuray da ti addang ti pisklaya seknan ti nasao a banag.
Inlawlawag ni Calucag a ti Department of Interior and Local Government ti mangiyimplementar ti desisyon ti Ombudsman.